【酒鋪介紹】 Costa Wine

Updated: Sep 25, 2019

唔講你又真係唔會知,係鴻圖道43號係有間酒鋪 - Costa Wine。

咪玩喎師兄,鴻圖道咪係觀塘,大街黎丫,有幾隱閉呀? 係後巷,仲要好深入果下你唔知丫嘛。

唔好睇佢店面細細,其實入面非常深廣,

除左擺滿左酒之外,最重要係個「大廳」, 枱櫈梳化,杯盤碗碟有齊,可以坐低一齊試下酒, 小弟都有同店長坐低飲返2杯,講下酒經,食下花生,幾爽架。 店長話︰「我呢度就無乜堂皇裝潢,客人黎到就輕輕鬆鬆舒舒服服。 隨意揀酒,岩價就買,唔岩就走無hard sell。」 「我就當呢度屋企一樣,員工既飯都係我煮埋整好飯盒俾佢地食。」 又真喎,我同員工求證過(笑),係好食既! 係店做資料搜集期間,觀察所得都係熟客仔啦, 個個黎到都真係自己屋企一樣,

有D客人仲會拎D野食黎分享下添。 咁又係,店長成日都開酒試, 有客人黎就坐低請佢飲返杯,有來就有往。

講左咁耐,酒鋪點都要Show 少少酒俾大家睇既。










各式新世界舊世界紅白氣泡,Sake蘇威日威,一應俱全, 難怪店長會話,「係店見唔到都唔緊要,同我講,幫你搵。」 最估佢唔到既係原來收收埋埋一堆舊版Brandy,又可以尋下寶啦~



酒款曬左唔少,當然唔可以漏左獨家酒款 - Michel Gassier。 "We strive to make wines that express the nuances of their soils and the sincerity of their winemaker." 葡萄園採用有機耕作,盡少地干預,務求盡力反映當地風土和品種獨性。


NOSTRE PAÏS ROUGE 採用了產區所有允許的紅葡萄品種:Grenache,Carignan,Mourvedre,Cinsault和Syrah。 大量的水果氣息,伴有紫羅蘭、甘草、胡椒等香氣。 酒體圓潤飽滿,收結悠長。

NOSTRE PAÏS BLANC 很新清,pure,平衡良好。 新鮮柑橘,白花和燧石的香氣。中等酒體縮, 帶礦物感的輕柔收結。 Michel Gassier a cappella 大量的熱帶水果、梨和花香,Smooth,酸度清新,tasty ~ Michel Gassier Syrah 呢款紅酒伴隨著胡椒、甘草等香料味道,口感豐富和諧, 新鮮既紅色水果味令酒既香味天然細膩成熟。

嗱,呢格非賣品係店長珍寶,「郁親手就聽打」,咪話我無提你呀~

入面當然每件都有佢既故事啦,最特別既係呢部「Call機」,入面載既,係店長既「初戀」, 感情事我就唔係度講啦,留返各位看官自己去同店長「八掛」啦。

我覺得一間酒鋪,店員有無專業既知識幫客人揀佢需要既酒係非常重要, 當然店長knowledge 同經驗都非常豐富啦, 但係佢就講︰「其實我有幾專業我同客人講有咩意思,佢飲酒姐,又唔係考試, 最緊要開心,佢今晚打邊爐,我可以推介相應既酒俾佢就足夠啦。」 岩!單純買一枝酒,永遠都搵到更平既價格,俾錢你就係買你我唔識既野, 就係要少D煩惱。 明白唔係個個都係觀塘住,Costa Wine都有送貨服務,購物滿千五蚊就包免費送貨。 而消費一次滿一千蚊就可以做佢地會員,會員有9折,買任何12件貨品就85折。 店長話Costa 就定期一個月攪一次Wine Tasting 既。 Wine Dinner 就睇心情啦~ 店長仲話,黎緊會攪Wine Tour ,呢個真係要睇實佢地既Page啦。 Costa Wine Fanspage : https://www.facebook.com/CostaWineLimited/ 地址 : Room 3, G/F, Hung Tat Industrial Building, 43 Hung To Road 電話 : 2357 0039 Cheers~

登記成為Cheers Asia尊貴會員