曾經在一個品酒會上聽過 ， "酒塞上有結晶是好酒 " 再睇住佢手上果杯深黃色液體加埋果陣梅菜味(明顯已經過熟)， 真係嚇到水都噴出黎。 果D結晶其實係酒液入面既酒石酸同鉀結合叫酒石酸氫鉀既物質。 酒石酸係葡萄天然的酸度，未發酵前溶於葡萄汁， 發酵後，出左酒精，而酒石酸相對無咁溶係酒度， 隨時間慢慢結晶化，愈變愈大到肉眼可見，就係咁。 到底點解會演變成為係一個好酒既指標已無從考究。 但又咁講，既然係隨時間而變得肉眼可見， 咁即係話擺愈耐既酒愈大機會見到， 可能，好多人開久經陳年既酒都見到酒石酸結晶， 而開young wine又見唔到喎，
久而久之就變誤傳成"酒塞有結晶係好酒"囉。 如果再聽到d sales話"酒塞上有酒晶係好酒"， 唔好同佢買酒啦，一係無知，一係無恥，撇。 Cheers ~