相信大家對依個品牌並唔會陌生，就算未聽過都應該係超級市場見過，究竟JAMESON IRISH WHISKY係何方神勝? 又有咩咁厲害可以令到佢連樓下士多都見到佢?
JAMESON WHISKY係由一位叫JOHN JAMESON既人係1780年創立既，初時候酒廠建於愛爾蘭既首都都柏林(DUBLIN)，酒廠去到1975年，就擴展到CORK市MIDELTON鎮，而都柏林則變成左遊客遊覽既觀光酒廠。
雖然創辦人JOHN JAMESON創立左JAMESON愛爾蘭威士忌，但其實佢係蘇格蘭人。佢出生於1740年蘇格蘭的阿洛厄(ALLOA)，成為左一名商人，所謂成功既男人背後一定有一位賢妻，佢同妻子格麗特結婚後，John Jameson於1786年成為了酒廠的總經理，只是酒廠的經營者，到1805年，他才成為酒廠真正的老闆，全部接管酒廠。之後就開始左生產舉世聞名既JAMESON WHISKY。*酒廠Bow Street Distillery原本屬於JOHN STEIN - 妻子既親戚於1780年興建。
JOHN JAMESON係接管期間發明左獨特既三次蒸餾工藝，同美國(1次), 蘇格蘭(2次)不同，而且依種工藝會過濾左麥芽既沉澱物，雖然會令口感覺輕，更清爽，但可惜亦會令到威士忌本身既麥味大為減少。後來JOHN去世之後，後人改良工藝並且延長發麥時間，令到JAMESON WHISKY更加出色，受到當時大眾既喜愛。
奮鬥左15年，1820年發展成為愛爾蘭第二大酒廠，開始賣遍全球。到1890年，JAMESON WHISKY已經攻佔左全球9%威士忌既銷售額，鞏固愛爾蘭第一大威士忌酒品牌既位置。
經過愛爾蘭獨立戰爭之後( 1919 年 1 月 21 日 – 1921 年 7 月 11 日 ), 愛爾蘭於1922年獨立，並同英國打貿易戰，愛爾蘭威士忌出口受到限制，唔可以出口到英國銷售。英國政府於1922年大幅度提高了左酒精飲料既進口關稅，令到JAMESON威士忌價格變到兩倍有多，嚴重影響銷售。除此之外，1920年美國實施全國性禁酒，禁止釀造、運輸和銷售含酒精飲料 ，同時又為左保護美國本土酒業生產商利益，限定進口酒類市場上既份額。JAMESON痛失兩個最大既市場，面臨倒閉。
去到20世紀中期，有新興市場興起，銷量恢復不少，於是JAMESON WHISKY DISTILLERY就同另外3間愛爾蘭酒廠(John Power & Son, John Jameson & Son 和Cork Distillery Company)組成左Irish Distillers，成為了愛爾蘭唯一一家生產銷售威士忌的公司。JAMESON WHISKY 貴為最有價值的威士忌品牌，自然而然地被該集團作為主打商標。
1976年，JAMESON WHISKY 於科克(CORK)新米德爾頓(MIDELTON)釀酒廠之後，位於DUBLIN既Jameson威士忌釀酒廠關閉，成為左JAMESON WHISKY DISTILLERY 既博物館。
1988年，世界第二大酒業集團法國Pernod Richard集團收購左愛爾蘭釀酒集團，自此JAMESON品牌成為Pernod Richard國際集團下屬品牌之一。
去到現在，JAMESON WHISKY已經成為左全球皆知既品牌，唔知你又試過未呢?