【Food Pairing】前言

Updated: Feb 6, 2019


講到Food Pairing,可能好多人腦海第一樣浮現都係紅酒加牛排。 自古以來,"紅酒配紅肉,白酒配白肉。"真係? 吃法千百種,口味各不同。 岩自己口味既就係配得好,並無絕對準則。 紅配紅,白配白,呢個我唔可以話錯,但低層次囉。 掌握到特性,配杯麵、薯片一樣出色。 世界是寛廣的,驚喜,必需自己發現。 Food Pairing配得好,1+1>2既法國人叫Marriage。 一D都無誇張, 早幾日小弟就有一次咁既經歷。 當晚飲 Fürst Löwenstein Homburg Silvaner Trocken 2011, 配合蟹肉多士,多士當然本身係好食既,酒亦都係好飲既。 兩者配合之後,當酒液滑入喉嚨,一陣輕淡的蟹肉味道在口腔散發, 不濃不淡,久久不散,嘩,精彩!



Food Pairing無絕對,但參考準則,總結都係4個字 - 門當戶對。 即係咩呢?即係濃味既酒配濃味既菜 ; 清淡既酒配清淡既菜囉~

雖然每枝酒都唔同,但紅、白、Rose、氣泡定甜酒。 基本都係甜酸苦架咋姐。 以比例黎講, 紅酒 : 單寧重 ,最多肯定係苦味和有收斂性,酸度之後再到甜度。 白酒、Rose、氣泡 :酸度第一、之後就甜、最後先係苦。 甜酒 : 甜最多、酸第二、苦第三啦

食物既味道係會影響枝酒既酒體、甜度、酸度同果味架喎

食物中的酸味 增加酒既body 、甜度、果味 減低酒既酸度

食物中的甜味 增加苦、酸、酒精既灼熱感 減低BODY、甜味、果味

食物中的苦味 增加酒既苦味

食物中的咸味 增加酒既BODY 減低酸、苦

食物中的辣味 增加酒既苦、酸、酒精既灼熱感 減低BODY、甜度及果味

食物中的鮮味 增加酒既苦、酸、酒精既灼熱感 減低BODY、甜度及果味

始終都係睇口味既野,了解左基本特質,下次想點配都得啦, 煮飯咁煮,酸左,咪加返D糖囉~

登記成為Cheers Asia尊貴會員