【趣聞】Cheers ~ 為什麼要碰杯?

Updated: Mar 11, 2019


Cheers ~ 飲酒既場合都必然會聽到 然後大家都"碰碰杯" 其實點解大家要"碰杯"呢? 當然我地都有樣學樣,小時睇到大人咁做, 大左就繼續做囉。 起源係點,無從考究。 有幾個說法都幾有趣: 1.為了讓耳朵也滿足 飲酒,眼可以睇到顏色,鼻可以聞香, 舌頭可以感受味道,唯獨耳仔無法享受。 於是乎古希臘人就諗到碰杯令杯子發出清脆的聲音, 讓耳朵也能"享受"美酒。 2.為了驅除鬼怪 中世紀時,人們認為歡宴會引來妖魔鬼怪犯罪, 所以碰杯時發出聲響驅走這些"污物" (同中國放炮仗用聲音驅邪的習俗亦有相符之處喎~) 3.避免中毒 中世紀時,下毒殺人是常有的事。 所以與主人碰杯,冷酒液濺到對方杯子。 要死就一齊死啦,哈! 對於呢個說法,小弟百思不得其解, 碰杯黎交換液體,而交換既含毒素既酒液既量係足夠毒死人, 落既毒難道係傳說中既含笑半步釘? 4.增加集體歸屬感 主人嗌Cheers,其他人一齊"碰杯", 立馬將所有你、我、他變成我地, 宴會氣氛即時提升。 呢個係唔係起源既原因就唔肯定, 但令人更投入更愉快更拉近人既距離就必然既。 好勒,故事講完又講返件正事。 宜家既葡萄酒杯,其實好薄。 當有人嗌Cheers果陣, 一齊舉杯示意就已經可以啦, 碰杯果下清脆聲好易變成爆杯聲架, 唔爆,酒液四濺都失禮啦。 真係要碰,碰杯肚,而且要輕柔地碰。 車,又話碰杯起源可能係讓耳朵響受或驅鬼? 喂,講緊舊時喎,舊時唔係用玻璃/水晶杯架嘛, 青銅杯,個杯仲大過你個湯碗呀。 唔講咁多啦,飲啦! Cheers~

登記成為Cheers Asia尊貴會員