對於無飲開氈酒(Gin)的朋友嚟講，第一啖通常係苦嘅。
而飲開其他烈酒的人，例如威士忌發燒友，普遍會覺得氈酒差咗份層次感。
通常評價一隻酒的好與壞，係一件好主觀的事。
有人會好討厭氈酒的草青味，但同一時間，有人千辛萬苦都要追求到最濃果陣草香味。
話雖如此，想去客觀品評一隻酒類，就要用正確的飲用方法。
今日我地就為你推介3種飲氈酒的最佳方式：
CA建議一：雞尾氈(Gin Cocktail)或氈加通寧水(Tonic)
作為烈酒最受歡迎的代表之一，氈酒酒精濃度比紅白酒高兩至三倍，大概為ABV40%以上。
往往好多唔飲開酒的朋友，都抵受唔到呢陣強烈酒精攻入眼睛及鼻子的刺激，一係就格梗吞咗佢，一係係入口前，已經迫不得已放低個酒杯。
係呢啲情況，飲用氈酒作為基酒的cocktail就最好不過。
唔使太擔心氈酒會就此被沖淡，因為以草香味見稱的氈酒，能夠借助乾果的果香味將杜松子的香氣突出，令氈酒更易入口。
Martini，Gin Gimlet及Negroni係首選。
CA建議二：冷冷的純氈
飲完雞尾酒，就升呢飲「齋（純）Gin」。
通常飲純氈酒(同其他烈酒)的最佳溫度係室溫，即係華氏70度左右。
加少許冰飲用的話，就能夠快速令氈酒的香氣散發，聞落再飲落去的感覺更加清爽及煥然一新。
呢刻，你可能會問：唔同溫度的氈酒飲落係唔係有唔同的口感？
無錯！原來當你將氈酒冷藏至近乎冰的溫度，就會得出高黏性度的質感，飲落去口感更為豐富。同時，氈酒本來果陣特濃的酒精味被低溫掩蓋住，飲落就唔會有過份的刺激感，除非你係渴求果種刺口的感覺。
CA建議三：古代的純氈
雖然氈酒同威士忌都係烈酒，但最唔同的地方係威士忌愈老愈有價值，而氈酒愛好者並無特別重視其年份的價值。不過，呢個只係普羅大眾的看法。
原因係，同一酒廠出產而擺放至不同年份的氈酒，口感的確有差別。
當中的差別當然並非一飲就分得出，但對有要求的氈酒愛好者，飲不同年份的Hendrick’s或Bombay絕對可以飲得到巨輪推動時代變遷的美（味）。
