【氈酒教學】釀製

Updated: Feb 6, 2019

上回提到氈酒的由來,今集我地就探討下氈酒係用咩方法釀製而成。


最基本的做法,就係用大麥、裸麥、玉米等谷物作為原料,先透過磨碎,加入酵素讓其發酵,進行糖化,然後放入蒸餾塔進行二次蒸餾,再加入杜松子 (Juniper Berries),一同蒸餾多次,經過後期調配,製造出帶有清香及草青味道的蒸發酒。



杜松子


講到杜松子加工法,有D酒廠會直接壓碎杜松子,直至變成片狀,再加入蒸餾酒裡面,等佢發酵糖化再進行第二次蒸餾。亦有D酒廠會將杜松子放入紗布,掛係蒸餾器出口位,令蒸餾出來的酒精係冷卻成蒸餾酒前沾上杜松子的香氣。


除了杜松子,有某D酒廠會係加工過程中加入更多植物原料,如肉桂、甘草、橙皮、檸檬、茶葉等釀製具有特色的氈酒。而每個品牌的氈酒背後所用的配方及用料,都係其酒廠的高度機密。


心水清的話你會發現,釀造氈酒同威士忌的過程實際上係差唔多!最主要分別在於氈酒唔需要陳釀加水就直接飲用而威士忌通常會係蒸餾過後放入波本或雪莉筒陳釀至少好幾年先入樽。


Gin Distillery


登記成為Cheers Asia尊貴會員