氈酒 (Gin)，又名金酒 (內地) / 琴酒 (台灣)，係蒸餾酒的一種。
很多人誤會英國係氈酒的發源地，但其實荷蘭人先係始祖。
個故仔係咁嘅，相傳17世紀中期，即是大航海時代後期，開始有大批荷蘭人遷移到亞熱帶區工幹而染上「熱病」。
有見及此，有位荷蘭藉的醫學系博士決定研發一隻幫助在亞洲生活的移民和商人。
點知剛剛遇著岩岩，係博士研究緊清熱利尿的藥酒途中，用具有解熱功效的杜松子蒸餾出「杜松子藥酒」，間接發明了氈酒呢類酒類飲品，並逐漸開始係市面出現。
適逢當時英荷戰爭，令大量的英國軍人認識並愛上了氈酒，後來更傳入英國王室，得到原本為荷蘭藉的英國國王威廉阿姆三世的關注及垂青。
由於對氈酒的萬分喜愛，國王決定係英國本土大量生產氈酒，並以低價鼓勵國民一同飲用，甚至連當時的草根階層及工人都輕易負擔得到。
而「Gin」呢個名亦係由英國人從杜松子法文名稱「Genièvre」改過來。
所以一提到氈酒，好自然會第一時間諗起London Dry Gin, 但其實荷蘭先係Gin最先出現的地方，而英國(或者可以講係威廉阿姆三世)就係佢的伯樂。
p.s. 最早記載11世紀已經有意大利僧侶用杜松子以蒸餾法製造烈酒
Comments