【活動回顧】酒友相聚 - 驚喜之旅

酒友閒聚,隨意聊天隨意喝。 有時隨意一點就會遇到驚喜。

先來輕鬆的葡萄酒。 澳洲酒就係果香爆口感rich?又唔一定既。 較涼爽既Margaret River產區,唔係最具代表性既shiraz 而用Cab. Sau. 又睇下點~? Chalice Bridge 在James Halliday 的 Australian Wine Companion 2013被認定為Margaret River最好中的最好酒廠。 廠就好似好有實力,但本酒網上既評價就無去到咁高, 係飲家同酒評家既分別? 開初感覺都確係"一般",唔係差,但又無去到"最好中既最好"咁誇, 但酒友又覺得另一回事,口感細滑,餘韻不是很強烈的那種, 而是餘音裊裊,溫柔的纏繞不散。 喝之不膩。 多喝幾杯,更覺香氣變化多端,時而士多啤梨與黑加倫,

時而石灰朱古力薄荷拖肥。 如同少女心思,複雜多變。 口感的溫柔也如少女纏繞輕撫。

厚岸 New Born Foundations 2

PEAT PEAT PEAT~

輕微有D honey / pear咁,

想著相比起之前飲既厚岸就覺得相對失色啦,

但原來恐佈既係after taste,

飲左幾杯水都係唔散既,勁到癲。

得意既係你飲既水都變得清甜~

酒友係未開厚岸之前已經話"如果厚岸唔OK 就開呢枝" 根本心癮一早想開,結果同厚岸隻舞都未跳完就試呢款。 Glenfiddich Gran Cortes XXII 酒友話佢係特別雪莉桶,但落杯就唔係好感覺到,只係隱隱約約聞到D, 黑朱古力、橡木、葡萄乾、椰子,有個moment簡直係樂家杏仁糖。 香氣都幾複雜愉悅。最奇特之處係"有酸度"架喎! 明顯感受到酸都真係飲威以黎第一次 !! 有趣有趣。


SMWS 93.108 入口俾人爆左一下 - 發菜蠔豉, 真,西方人未必明,但香港人一定感受到,哈哈。 小弟飲威就實在係少,但達人都感覺到新奇, 今晚真係非常精彩 !

0 comments