【氈酒教學】荷蘭氈酒 Dutch Gin


Jenever Bottles

上回好簡潔咁同大家介紹氈不同的品種,

今次就深入少少了解各類氈酒的故事同特色。

打頭陣的當然係歷史最悠久的荷蘭氈。


雖然一講起乾氈酒,就不期然倫敦前倫敦後,

但大家仲有冇印象,荷蘭先係氈酒的發源地。


要點一:始於荷蘭

事源係十七世紀,一位荷蘭醫生為了醫治遠征亞洲期間患上痛風的國民,

搞盡腦汁,自行將具有解熱及利尿功效的杜松子加入蒸餾酒,

間接就釀成了帶有濃烈草青香氣的杜松子酒,

當地人稱之為Jenever。


初時係荷蘭市面買到的都係具有醫療用途的氈酒,

但由於容易入口,加上味道獨特,好快就變成酒吧的熱賣品。


要點二:殻物釀製

傳統荷蘭釀製氈酒所用的蒸餾酒名為Moutwijn,亦即是malt wine。

用法係只要將Moutwjin蒸餾至50%,

再係蒸餾期間加入杜松子,

使原本毫無香氣的蒸餾酒,

增添了天然清新的草青味道。


要點三:新舊不同

現時係荷蘭飲到的氈未必等同當時十七世紀係當地盛行的氈。

因為荷蘭氈都有分新舊款,舊款叫oude jenever,新款叫jonge jenever,

而釀造方法遺有所不同,以致係顏色同酒精濃度上都有差別。

舊氈比新氈更香甜,顏色偏黃,酒精濃度更高。

新氈的味道就似另一種烈酒-伏特加。


Oude jenever泛指二十世紀前的氈,而jonge jenever係第二次世界大戰後的發明品。

點解會有jonge jenever的出現呢?

原來係打仗期間,製造氈酒的殻物及其他原材料供應出現恐慌,令到舊氈的供應量大幅度下降,

有商人因此用黑糖蜜(甜菜製成食糖時所產生的副產品)製成了新氈。


要點四:老人恩物

雖然氈酒係英國同香港偏向年輕化,

但荷蘭氈並唔係太受當地的後生仔歡迎。

荷蘭人會稱氈酒為「老人酒」,

不過氈加通寧水(Gin & Tonic)就依然老少咸宜。


要點五:「荷蘭大膽」

當然呢個只係中文的譯名,荷蘭氈係外國被稱之為「Dutch Courage」。

相傳當時英軍支援荷蘭攻打西班牙的時候,

習慣戰前先飲荷蘭氈壯膽,

因此荷蘭氈被冠為「Dutch Courage」,原來係有呢個歷史背景。


延伸資料:Young VS Old Genever


登記成為Cheers Asia尊貴會員